大城, 小事, 回顧 (Full Version)

又到每年結算既時候啦, 2008 年無論係國家, 社會, 朋友, 家人, 定係我自己都有好多好多事發生.

1). 第一件要記錄既事, 當然512國傷... 自己有D唔安樂, 咩都做唔到, 唯一可以既係有錢出錢 (少少),譸告... 每當有唔如意, 氣餒, 又或者埋怨既時候, 只要想番512災難, 都會鼓勵自己珍惜所有, 有咩唔可以輸, 有咩唔可以從頭黎過, 只要有生命, 只要同屋企人齊齊整整, 小小唔開心, 又算得係咩?

2). 到開心既事啦, 奧運會. 唔可以親身觀賞, 但身為中國人, 真係有講唔出既驕傲. 唔單只係運動員出色, 今我最深印象既係開幕式, 只有在中國土地上舉辦的奧運才有中國數目字倒數 !

3). 香港... 立法會選舉... 一個令我好失望既選舉. 鬧戲既選舉辯論, 不能接受既選舉結果, 特別係新界東.

4). 香港...又一鬧戲, LB Mini-bonds... 鬧到咦家都未 finish... 仲想政府賠錢? 嘩, 仲有人甘心交稅既?

5). 香港... 金融海潚... 不得了,都唔知要潚到幾時, BANKING / FINANCIAL MARKETS 大大大型裁員, 自己做緊個間公司都唔例外, TOUCH WOOD 我冇事... 不過真係好人心惶惶.

6). 朋友... 阿妙自4月份就去左US 做野 (雖然佢有解釋過, 但其實我都唔係好知佢做D咩RESEARCH). 一個好知己出國, 突然覺得好LONELY. 我一向好內向又怕羞 (真架), 除左男朋友之前, 就只會同細細妹 OR 阿妙傾心事... 因為只有佢地任我講野, 不停講. =_=

7). 朋友... BB仔... 恩愛夫妻 SARAH & JAMES 既愛情結精品 - CYRUS 出世啦. 佢好可愛, 白雪雪, 滑lu lu. 好得人鍾意.

8). 朋友... BB女, 到TEDWARD啦,佢個BB女好多頭髮, 好似佢架... 哈哈.

9). 家人... 2妹結左婚, 又生左BB仔啦. 希望佢都大個女啦, 唔好再咁孩子氣, 做個好媽媽.

10). 我... 細B買左介子俾我啦... 因為SIZE 大左D, 咦家改緊... 希望趕得切, 31號有得拎, 因為會係聖誕節禮物 + 生日禮物 + 週年紀念禮物 + XX禮物 ^0^

祝大家新年進步, 事事如意, 身體健康, HAPPY NEW YEAR!!!!

侮辱價!!!

過左一個好失望嘅COMP DAY =_= 侮辱價!!! 升職但係冇人工加, 個annual total 仲要減左, 咁升黎做咩?

不過算啦, 最起碼仲有份工呀. 睇開d. 唉... 等我仲先洗未來錢TIM... 點算?

九龍 vs 香港

打工咁耐, 一直以來都係香港島返工, 日日都要過大海上班.
過埋今日, 下星期一起, 我就跟公司move 去九龍 ICC. 計落, 交通費可以慳唔少, 因為可以出觀塘搭唔洗錢既 shuttle bus. 最多都只係要$4 MTR (由TKO 出觀塘).

不過, 話哂以後都唔再會係香港島返工, 除非另有高就, 唔知會唔會唔慣呢...

好大隻鴨

尋日係APM見到佢... 超大隻.

買樓?

細B最近成日講買樓咦個話題... 佢話想買樓俾佢阿媽同3家姐住. 而我地2個就租屋住算啦. 佢真係好錫佢阿媽. 咦方面不容置疑! (PS: 我冇唔開心)

sea view

尋日下晝去左新office 做UAT, 原來我個位都幾okay. "mang" 下手仲好過我老細. 阿大對我都算唔錯, 竟然買部新機俾我, 等我唔駛帶部舊機去ICC.

成功在望

經過2個幾月既努力, 我諗成功在望啦. 好多衫都唔o岩著 =P 尋日仲膽粗粗學人試左一條23寸腰既褲 ^_^, 因為希望可以再好d, 所以冇買

尷尬死我...

FACEBOOK PROFILE PIC:


朋友A : 「睇相你就真係肥左, 成個 c9 咁」
我: 「相入面係2年前我一生人中 "最" 肥嘟嘟個樣! POST 出黎都係想自己引以為鑑! 咦家? 瘦左好多啦... 」

好似有d唔同...

唔會掛?

少見多"掛"

一個我好掛住既人, 終於由花旗國番來.
肥妹, 歡迎你.

分手罷... 我唔愛你啦

之前返工一向都好鍾意早餐買魚肉燒賣 + 凍鴛鴦, 差唔多日日如是...

自從決定努力減肥之後, 早餐堅持只食生果, 偶爾加一片全麥包. 維持左差唔多2個月啦...

今日突然想破例再試下食魚肉燒賣當早餐.
噢!!! 結果係完全冇哂feel, 一d 都唔覺得好食, 失去哂以前打開個載著魚肉燒賣嘅袋個種期待. 好! 既然冇哂感情, 係時候永遠分手啦.

修養

「修身」先可以「齊家」

要 / 已成家立室, 生兒育女的你們, 要好好思想一下. 做個好榜樣啦!

仔,女,女,仔,仔,女, the extra # is TWINS

YEAR 2 個屆既系花 - Jessica 剛剛生左對 TWINS (孖女).
好可愛. 恭喜恭喜!

仆路...

唔係鬧人, 唔係想講粗口呀, 只係想描述事實咋.
容許我係度講一件好瘀皮而又有d肉麻既事件...

話說, 星期日我同細B又踏單車去附近DINNER, 將2部座駕泊左向D 露天單車停車場. 食完飯之後去攞車啦, 正準備跟住細B出車個陣(細B己已經攞完車, 踏到路口)... 哎呀, 我俾隔離部 "錢7" 抅到仆倒, 愛駒橫瞓地面, 我就成隻青蛙咁趴左向地上面, 雙膝首先落地. 好醜怪, 又好痛, 痛到個一刻唔可以自己起返身...

估唔到一向串串貢既細B, 竟然好快咁走埋黎救我, 冇鬧我論盡, 又冇笑我肉酸, 好罕有咁問我有冇事, 周圍檢查我既傷勢. 個陣只係知道好鬼痛, 唔識諗其他野... 佢扶我起身抖左一兩分鐘之後, 就帶我坐埋一邊. 冇咁痛之後, 周圍望下, 見到佢部車都橫瞓左係地下... sorry, 我想講個陣心裡面好甜, 我諗細B知道我仆低個陣, 好可能係好緊張咁劈低部車, 再走過黎搵我.
因為細B平時好衰, 我地 1x 年相處既世界裡面, 好少有肉麻 / 骨痺野. 好多時都係佢串下我, 我鬧下佢 (但其實我地感情好好架). 都好耐冇咁溫柔咁對對方.
我怕我第日會唔記得咦件事既細節, 所以肉麻少少係咦度記低佢, 同大家分享一下.

禾火

開始有d秋意啦.

咦排多左踏單車, 通常都係夜晚先出發, 由屋企踏到坑口食晚飯, 食飽啦, 就踏返屋企.
都唔算係運動, 只係慢慢踏享受一下涼風, 同埋可以拍下單車拖.

就算唔踏單車, 好多時食完飯之後都會同細B落街行下公園, 之前都會跑下步, 但因為通常食飽左跑會好辛苦, 反而行下散下步, 都幾唔錯, 又可以傾下計. 反而留向屋企, 細B多數唔係打機, 就係上網, 好一個有為青年.

家家真係有本難諗的經

真言!!!

死穴

尋日我做一件女人唔應該做既事, 係另外半面前話佢老佛爺既不是, 佢發哂脾氣.
詳細內容唔方便公開, 但我所講既都係事實.
咦d係咪男人既死穴呢? 明明係佢唔o岩, 唔o岩得好離譜, 但因為佢既角色同地位, 就點都唔可以冒犯呢?
但如果件事相反咁發生係女方既阿媽個邊, 男既依然會毫無保留咁話唔o岩.

我好掘強, 我唔覺得我講既野係唔o岩, 我只承認我咁樣係唔識死, 但唔覺得自己錯.
當我媽做左d 唔o岩既野個陣, 你可以講事實咁向我面前話佢不是, 但你又掉唔反轉頭.

Fion is DONE

My sister, Fion, has done a great job today at 11:06am.
Congratulations!

大驚小怪

駛咩咁擔心呀? 做左咁多年啦, 唔駛check 住哂呀? 阿大都唔會咁check 我啦, 你只係ASSIST 啫, 我唔係REPORT TO 你架, 你攪清楚好喎. 好鬼煩.

又打大風

LB 死左, ML 俾人食左, AIG 都恐怕得番幾日命...
OFFICE 裡面除左人心惶惶之外, 亦有唔少"小動作". 可怕既辦公室政治, 分分鐘死左都唔知咩事.
唉, 都係搵餐飯食啫, 想點呀你? 唔好攪到我呀, 唔該.

老佛爺發脾氣

2個星期前,老佛爺打電話俾我問9月中可唔可以請假同佢去旅行. 因為老細長今會去NY BUSINESS TRIP 2 星期, 唔駛問, 冇人可以請假啦. 我問返老佛爺可唔可以weekend個d日子去, 短少少台灣3日2夜好唔好, 佢refused.
跟住再問可唔可以遲少少, 例如年尾先去, 佢又唔"制". 之後佢冇再講, 仲以為不了了之...

就黎中秋,我一如以往做家庭聚會coordinator, 問老佛爺想邊日食飯同去邊度食. 點知老佛爺發脾氣話唔食, 因為佢要去旅行. 下? 想去邊呀你?
佢話要一個人參加旅行團, 遊覽武夷山...

=_= 激死, 又發d細路仔脾氣, 點氹番佢好呢?

點歌俾你聽

我所有好朋友, 特別係TSK既你, 我揾左好耐架啦, 有一份小禮物送俾你.




嫦娥應悔竊藥丹 將錯事鑄成 仙丹吃下會飄飄 似燕經盈 佢別了塵世 奔住月宮 一生孤清與寂寥

EXTRA

Additional holiday provided by NURI yesterday. Full day was occupied by Olympics, and a bit bored coz most execited events have been finished already, the rests are kind of Boxing, Men Volleyball... Not my cup of tea.

Although having strong wind and rain, some people were still going out and said they want to examine how strong NURI was. Tooooo dangerous. Guess TST is still okay, but Sai Kung or those beaches are really not a good place if you want to go for swimming during Typhoon.

Believed this NURI's eye:

紅色

今個星期好想著下紅色衫返工... 支持一下我國既運動健兒呀嘛.
點知打開衣櫃, 全部都係黑、灰、藍、白... 冇紅色架喎... 最叻都只係有一件粉紅色, 仲要係買左好耐都未著過 -_-
中國加油 !!!!!!

只有在中國土地上舉辦的奧運才有中國數目字倒數!!

2008 北京奧運開幕式, 是一個偉大的開幕式...最令我印象難忘的並不是點燃聖火, 而已開幕倒數.只有在中國土地上舉辦的奧運才有中國數目字倒數.非常欣賞張藝謀先生的心思, 亦為身為中國人而自豪.

呷醋

今晚心情唔係太好, 嬲嬲地所以想跑下步, 出身汗發洩一下...

跑跑下點知... "R柴"

激鬼死

滴汗

衝鋒陷陣, 工作忙了好一陣子, 終於可以停一停.

昨晚很早便下班回家, 休息了一會, 約十點半左右, 便走到附近的公園跑步.
晚上十點幾, 我覺得好適合跑步, 因為吃過晚飯後須要休息一下, 等食物可以稍稍消化, 跑起步來才不會太辛苦. 而且晚間天氣不會像白天那麼熱, 感覺很舒服.

我不喜歡到gym centre做運動, 一來人多, 又死板沒有生氣, 而且因為有冷氣, 太舒適, 根本享受不到做運動出汗的感覺... 到戶外做運動就好得多, 可以四圍欣賞風景, 雖然並不是什麼山明水秀, 但有花草樹木, 空氣的確清新好多. 其實戶外跑步比較到gym centre辛苦, 因為沒有冷氣, 出汗就自然又快又多, 但正正因為這個原因, 運動才有效用...

出 了一身汗, 回家後沖個熱水涼, 之後好舒服(目訓) 了一晚好覺 ^_^

3, 2, 1... 年華已去了

"三" 日內 "兩" 次在街上踫見同 "一" 個故人...

老啦, 又肥又論盡又唔打扮 (返工好求其, 一向唔化妝, 是旦 lup 件恤衫 + 西褲), 加上飛左個男仔頭... =_= 係毫無心理準備之下, 2次係條街上踫見同一個"舊人", 好自覺咁拎歪面, 扮睇唔到, 唔打招呼... 唔係因為冇禮貌, 而係覺得自己太lei-fei, 唔敢打招呼

文武雙全

尋日食完lunch之後同左阿姐去ifc 行下, 係人群中我見到一個熟悉既面孔...
人來人往, 而且我又扮周圍望, 冇打招呼 =p

係咪短得滯呢?

XBOX 360

今日好熱, 行行下街都頂唔順要 "LAY" 入商場涼下冷氣 ^O^

逛下逛下...去到玩具反斗城, 當行到 XBOX 個位個陣, 例牌實會有班細路向度圍埋打機...睇一睇, 原來佢地打緊高達.

係咦個時候, 突然其中一個小肥仔問佢班FRIENDS :『我想知道究竟圍住揸古個口個條野有咩用呢? 』

朋友一號就好快咁答:『 哦, 係氧氣輸送帶黎架!』

朋友二號好串咀反駁:『 下? 機械人要氧氣架咩? 係通訊器呀!』

朋友一號、小肥仔:『 哦, 係喎...』

我忍唔住向佢地後面大笑:『哈哈哈...』
其實我都唔知個答案, 不過覺得佢地既對話好攪笑

執迷不悔

細B 話我 D 頭髮太長, 成個假髮咁.

於是, 今日我就去飛髮喇 !
點知剪到個頭成個新紮師姐咁短, 實俾阿媽同阿妙鬧 =P
髮型師GEL 到我個頭好行, 一剪完要火箭咁飛返屋企....

家下成個差婆咁, 唔知聽日返工D人會唔會問係咪失戀呢?

點解要剪到甘短? 因為我一向都唔鍾意留長頭髮

2舊水

今日OFF左一日, annual leave.
細B教我搵$, 結果不負佢望, 唔駛輸, 仲有2 舊幾水執... 偷笑啦....
細B 屈我請食飯, 結果我交左學費俾咦個師傅仔, 同佢去西貢食海鮮 >_<
好好食喎, 雖然只得兩仃人, 不過, 我地都叫左4 樣野, 有細B 既"飛佛" 賴尿蝦, 鮮鮑2隻, 鮮魚一尾, 青菜一碟...
11點幾, 兩個波"舵" 住個肚返屋企. 好滿足.
不過, 諗心一層先記得原來我今日蝕水.
/0\

鍾小姐

我好鍾意我姓"鍾", 唔覺得姓"鍾"有咩問題...
姓氏係好個人既野, 應該受尊重 !

肥雞同細花既BB

細花係5月19日生左7隻BB, 可惜其中一隻養唔到, 最後有6 隻好攪笑既花生BB, 4男2女

怕羞既爸爸 -> 肥雞

BB 仔4 隻, 4 個星期大啦

B女2隻 (4 個星期大啦)...

媽咪 "細花" 同BB女. 為防止啲BB亂倫, 唯有將B仔同B 女分開...

2 個星期大

飯仔

打工既有邊個唔係為餐飯仔呀?

前兩晚同sarah, 阿ying + o靚妹食飯, o靚妹透露工作有d唔如意, 好想轉工, 炒佢個衰老細魷魚...
佢似乎好多怨氣, 姊妹們都加以安慰下佢... 我都有好類似既問題, 但當時冇講出黎, 其實咦d野邊度都會發生, 嬲得幾好氣呀, 唔係話消極既, 不過大家都係搵餐飯食啫, 勞氣好傷身, 東家唔打, 打西家, 真係頂唔順的話, 搵過第二份啦! 我都要開始出擊啦! 再咁辛苦, 命都短幾年 +_+

Ya Li

壓力

最近工事上好大壓力...有點困擾呢! 攪到有失眠的問題, 半夜4, 5 點才免強睡著 =_=
前兩日竟然忍受不住, 在細B 面前掉眼淚

昨晚, 又睡不著, 半夜開開FACEBOOK, 意外地收到IRENE 的MESSAGE

IRENE 是我中學時期, 高我好幾年級的排球隊師姐, 她一向給人和藹可親的感覺, 可以跟她交朋友的話, 應該好自然, 好舒服; 但礙於當期時的我還是小妹丁一名, 怕羞得很, 每每無膽跟她交談, 通常只是站在一旁, 看著大師姐打波... 好一個低年級 "粉絲" ^O^ (女校學生, 係咁上下架啦)

老生常談, 時光飛逝, 大家都失去聯絡... 不過, 老土的說話, 科技這麼發達, 有FACEBOOK幫助, 久違的老朋友又可以再相遇啦

因為我於facebook的status提到有壓力同沮喪, 大師姐便送上安慰message, 真有點意外.

不知道會否有機會來個排球隊 re-union 呢... 有點期待 @_@

老人家

年幾大, 機器壞... 近年來, 硬係好多病痛, 周身唔舒服... 細個既時候, 唔聽老人言, 坐姿唔好, 攪到大個 "mei" 腰骨; 後生成日著高"睜"鞋, 攪到咦家隻腳好痛, 改著平底鞋都冇乜好轉...
真係攞黎衰 =_=

細花

係毫無跡象下, 細花無端端生左7隻BB...
細B 不知幾開心, 不時觀察住佢地幾仔乸既情況, 仲四周圍搵網頁, 睇下應該點照顧佢地添.
唔知第日當佢有自己既仔女個陣, 會點呢...

和和睦睦地過一輩子就行了...

我出名係一個喊包, 所以近幾日都避開睇電視, 一幕幕的悲傷情景, 再例必加上的憂愁的背景音樂, 我一定不停喊...

係NEWSGROUP看到一則關於四川地震的新聞 :

「男子被埋80個小時 獲救後在擔架上離世」─ 陳堅, 他只想和妻子相守... "這輩子我沒抱太大希望，只想我們兩個和和睦睦地過一輩子就行了..."
http://chinanews.sina.com/news/2008/0518/19242706081.html

有時, 終日想著要咦樣, 要個樣, 想闖一番事業, 想賺多D錢, 想想想...
發現原來「知足常樂」才是最重要... 可以跟家人和和睦睦地過一輩子, 就是幸福.

幾日黎, 各地的中國人不斷提到這是中國人的事, 中國人應互相幫忙, 團結一致... 大家的愛國情緒都非常高漲... 其實, 希望大家可以再推而廣之, 這件事唔單只係中國人既事, 看到四方八面的人士不斷幫忙, 日本, 新加坡, 台灣, 俄羅斯..... 反映這其實係全世界既事, 大家都應該不分國界, 不分膚色, 一起團結, 互愛相助...
語氣係老土左D, 但互愛和平係好重要, 「大同社會」唔好咩?

how are you ?

 

晨咁早...

My working life is so good that I am always belongs to 9 to 6 working group so far (actually I can't leave the office sharply at 6PM, always need working over-time). Thanks God.
But today is my first time to leave home before 6AM for work... Still lucky that this is a one-off case.

Miu has started getting into her new life yesterday, I haven't been to the airport to get her go, not because I was busy nor the airport is too far away from the town; However, I am sooooo easy to cry... I can imagine if I were there, I couldn't stop my tears dropping down. This is a common character of Aquarius girls. Also, I knew that there must be quite a lot of relatives there, didn't want to make Miu busy... I was there in Chai Wan yesterday morning, just said goodbye to my dearest friend, and gave her a hug.

Wish her everything is good and hope she can take care of herself.

老鼠仔...

我快要做姨媽啦, 仲要係好大個種...

晚跑

星期二晚, 放工後食左小小野, 差不多9:45PM, 落樓下公園跑步...

 

跑完之後, 撞到CHARLES 係SEM 既好兄弟阿RON, 佢又跑...

不過唔知係咪我走哂樣呢.. 兜口兜面撞到正, 佢都唔認得我...

都好, 因為個陣o岩o岩跑完, 身水身汗, 好肉酸....

 

久候

因借了門匙給他，他外出跟朋友飲酒，令自己白白摸門釘。好苯！現還在大堂等呢。

股骨好痛

左邊股骨痛左好耐, 近兩日特別犀利.
今日決定看醫生...

Dialog After Farewell Party with Miu

FongFong 鍾   說 (0:50):
Miu's yima said "LINDA, 你都唔係好瘦啫, 係塊面瘦D, 個身都唔瘦 ..."

Hammond 說 (0:51):
我覺得你連塊面都唔瘦囉

FongFong 鍾   說 (0:51):
 

青春、十年如一日的性格

十年前後的你有什麼改變?

今天早上坐地鐵返工時, 我遇見一個舊同事, 我們共事只有2年 , 那是我畢業後第一份工, 當年他是我的team head. 從前的他總愛"打機", 手提電玩 / 電腦online / 小遊戲... 都不會放過, desktop (電腦) 永遠都會開著好幾個screens, for fun!

n 年後的今天 ( < 10 years!!), 再次踫上他, 由於人多, 還是未有機會打招呼.
他打扮依然一樣 (100% 沒改變), 整程地鐵中, 依然埋頭苦打nds!
再看看自己, 我已經不是從前的樣子了, 優化的形容是 "衣著成熟", 心想他一定認不出我...

好驚...

我今日係條街度見到有個人打扮成咁....

New Joiner

She has joined our team today from another firm. I know I need to control myself emotionally, hope I can make it. Work is work.

金莎

阿妙, 細B 今日好開心咁開左你送俾佢個盒金莎, 食得好HAPPY ...

MOVED!

Have using Yahoo blog for a long time, however, it's not convenient for people to place comments.
Hope it will be better after I moved to Blogger.
Enjoy!