禾火

開始有d秋意啦.

咦排多左踏單車, 通常都係夜晚先出發, 由屋企踏到坑口食晚飯, 食飽啦, 就踏返屋企.
都唔算係運動, 只係慢慢踏享受一下涼風, 同埋可以拍下單車拖.

就算唔踏單車, 好多時食完飯之後都會同細B落街行下公園, 之前都會跑下步, 但因為通常食飽左跑會好辛苦, 反而行下散下步, 都幾唔錯, 又可以傾下計. 反而留向屋企, 細B多數唔係打機, 就係上網, 好一個有為青年.