年初五快樂

生日快樂 :)

啋, 大吉利是咩

年初一發惡夢都有既...
個夢係話一開工就收大信封, 不過公司係賠左一年既人工.
唔係掛, 嚇到我呢...

收爐啦...

今日係年廿八, 鼠年最後一個working day... 無風無險, 收工.
今晚會同衰仔食團年飯 (2 個人的團年飯 ^0^)
團團圓圓!!!

"嘉露蓮" 個friend --> "家務蓮"

就黎又過年, 唔駛問就梗係要打掃一下屋企啦.
阿家務通英姑娘咦排唔知做咩事, 做野好唔上心, 又遲來又早走...
我問佢做咩咦排咁遲來既, 點知佢好輕描淡寫咁答我"係呀", 但係我同佢不嬲都係講好10點鐘架嘛...我落街買完野上返屋企, 佢就話要off (都未夠鐘) =_=

都話係大掃除咯, 點知掃完之後都唔係好覺既... 其實我好少挑剔, 不過無可否認佢近排真係拿西左d...

最後, 尋日我要做 "家務蓮"... 再打掃一次. 結果今日攰到死.

個子迷你

同班同事去ICC利苑lunch,巧遇京奧金牌選手李小鵬同女友飲茶... 原來佢個樣好細路仔,個子迷你, 女朋友仲高過佢. 晚下手俾套中學校服佢著都非常像似中學生.香片仲笑佢下身短小 =_=

男人味

MCL TKO 裝修好又開番啦. 尋晚趕星期二有平飛 (其實都只係比平日平左5蚊雞啫), 就同細B走去睇《葉問》. 仲以為平日冇咩人睇戲添, 點知都好多人下. 講返套戲, 原來都幾好睇, 霹靂拍啦"fung" "fung" 聲, 好有男人味喎, 令人熱血沸騰... 所以呢, 我今日返工都男性化左d, 恤衫西褲.

劇情方面就見仁見智 (因為我唔識), 不過功夫場面就真係好精彩, 都唔係話一味亂打, 加左d愛國情操向度, balance 番d.

我個人覺得《葉問》好睇過《霍元甲》 :)

蜜運

有個老朋友最近拍拖啦, 都好戥佢開心.
係 "面書" 度不時都會留下佢同另一半打情罵悄既痕跡, 原來都幾肉麻... :p