...簡單，直接，平淡.. 但我好鍾意

沒有甚麼高潮迭起, 但我就是喜歡這樣的平淡簡單...
我好鍾意個男主角 @.@

平平安安

平平安安渡過2010, 感謝天父對我既愛, 我對家人既愛, 對我朋友既愛. 無論順境逆境, 祢都照顧著我, 多謝你.

祝各位新年進步, 平安喜樂.

謝c9 2010年回顧

一如往年, 做個年結 - Settlement for 2010

1). 第一年派利是 :p 新手果然係論論盡盡, 撈亂左d 利是 =_=  派錯左, 將d大封既俾左普通朋友, 肉都赤埋, 好鬼論盡.. 哈哈哈

2). 小姨甥女 "肥婆藍" 出世啦, 佢同謝c9一樣都係農曆正月初五出世... 初時好怕佢婆婆因為咁而唔錫佢... 好彩後來都雨過天晴 :) ... "藍藍" 好得意架, 成日笑, 希望佢快高長大, 身體健康, 做個開心快樂活既人

3). 四月 "紙婚" , 一個令我期待既月份, 去旅行, 睇櫻花, 結婚紀念日...

4). 婚後同謝生既關係唔係幾好, 唔知點相處, 總係久唔久會嘈下交... 有一排, 謝c9好唔開心, 直至開始睇咦本書 : Love and Respect! 一個看似好簡單既道理, 卻被好多人忽略: WOMEN NEED LOVE, MEN NEED RESPECT. 所有先生太太們, 我誠意推介咦本書!

5). 9 月24日, 另一個好重要既日子, 因為, 咦一日我自己一個人出車, 點可以唔記錄呢! 成功 + 爽爆 + 自由自在... 不過, 都只係由寶琳揸去調景嶺... 你睇謝c9 幾易滿足同冇膽呀; 好在, 好快又再大膽d, 更上一層樓, 成功出 "城", 由寶琳行山路去觀塘, 最重要係, 冇謝生坐係隔離煩住哂... 希望好快可以夠膽"自己"揸返office

6). 可以容忍既限度已經去到極點. 我係指份工. YOU SEE ME GOOD I SEE YOU GOOD... 好多野都好難同人講, 有苦自己知, 你睇我好, 我睇你好. 工作上既壓力真係好大, 窒哂息, 好多好多野做. IPOs 一單一單叠住黎, 做到天昏地暗, 做到想死... 就連謝生同奶奶都出哂聲投訴啦! 謝生晚晚冇正常飯食,唔係外賣,就係公仔麵… 我都唔好意思... 咪以為有bouns, sorry, 公司一貫藉口, 都係話冇$賺or 要reserve, 冇bonus... 頂! 想搵過第二份? 話咁易咩, 又上左年幾, 唔到你話事, 你揀人? 人揀你咋!

7). "聽過你我太多心事, 但已經不再重要, 眼看你要做新娘, 做密友的真想撒嬌" - 認識你 (肥妙)好多年啦, 今日可以見證你出閣, 心裡面既喜悅真係 "講不出聲". 從前我倆無所不談, 嘈喧巴閉; 長大啦, 難免各有各為生活而忙碌, 又分隔千里, 可以講心事/傾近況既機會就少之有少... 不過, 好多事情都"在心中", 只要你需要我, 我一定支持你. 祝幸福.
除左阿肥之外, 今年都有好多老朋友及親戚結婚, 好似tsk阿公, 俏皮猫謝生, 小時候同我地幾姊弟妹一齊玩既yoyo, 靚表妹zoe... 再一次恭喜恭喜, 祝百年好合, 白頭偕老 :)

8). 馬尼拉事件後感: 媽, 爸, 細佬, 細妹, 雖然我地各有唔同既價值觀, 有d情況又可能身不由己, 又或者有d事做錯左, 又冇勇氣面對, 再或者有時唔知俾d乜人乜事蒙蔽左對眼, 做左d唔應該做既事, 犯左d唔應該既錯, 無論點, 我地都係一家人, 即使緣份未夠, 都希望大好好保重! 希望有機會雨過天晴, 期待有一日大家代同堂聚一聚

9). 放低工作, 聖誕旅行去 - 謝c9同謝老爺第一次聖誕去旅行, 戀戀沖繩. 冬天唔係正確去沖繩既時間, 不過換個角度睇, 咁樣會平dd. 沖繩直係好靚, 開初都冇抱咩expectation, 只係諗住搵處地方旅下行, release 一下緊張既工作壓力... 點知發現沖繩d風景真係靚到"dump"一聲, 如果夏天黎的話, 真係冇得頂! 唉, 可惜唔知點解今次要我請呢... 謝老爺係我咦個乞兒兜度拎飯食... 風吹雞蛋殼, 財散唔安樂...

10).  身體健康 - 謝老爺身體好似有d唔妥, 睇左好多次醫生, 又check 左好多次, 都未知點解... 希望佢平安無事... 我只想你身體健康, 要活到過百歲不須拐杖都可跟你相擁... 雖然有d肉麻, 但係真心話囉

十個夠喇! 十全十美 :P

總結 - 今年工作上有好多唔如意, 不時都轉牛角尖, 好唔開心... 要努力學識放低, 唔好太執著, 都係一份工啫... 希望多d時間同老公、家人、朋友相聚! 要多多警醒, 總要珍惜所有、知足常樂! 講出黎好簡單, 但要學習及實行卻要用上一輩子時間. 係順境時, 好易唔記得, 到逆境先記得又太遲...

新一年? 開開心心, 知足常樂

出年見 :)

Happy New Year!

餚底啦...

即刻餚哂青... 偷一日懶就賴哂野...

Hi SQUARE - I saw XYZ was handling most of the XXX issues today - can I ask if there was an issue with you helping? I thought you would have been looking into it as well and want to know if there was any reason why? I want to make sure we really work as a team so if you have experienced an issue with XYZ I would like to know and vice versa

妖!

我自己一個做幾單projects 個陣又唔見你話下阿擦鞋妹... :p

都係做唔出

懶左幾日, 學做"衰人", 但始終"衰人" 要做既衰野我都係做唔出...
都係等放完假之後, 繼續做返好人; 同時又等d "衰人" 快d自動走人...

唔駛掛住我地架...

老細, 你放假玩得開心d啦, 出年見, 唔水掛住我地架... heehee...
你想遲d先返亦冇問題, 總之唔好早返就得勒. yeah!

MX & HNY :)

50步笑100步...

謝生前幾日同我講話佢發左個 "奇" 夢, 夢見阿費sir 招佢入 "萬元" 踢波, 仲要秘密訓練佢... 哈哈哈... 我笑佢都幾 "暈秦" , 佢話係夢入面唔識同阿sir 交談, 只係叫左佢一聲 MR. FAI... 有冇攪錯, "費格遜" 係姓 "費格遜" 架, 唔通 "奧巴馬" 姓 "奧", "畢比特" 姓 "畢" ? 笑死我...

點知尋晚... 到我! 我發夢話自己回到大學時, "林瘋" 做左我同學, 仲好friend 添... 我要澄清, 我唔係佢既蕃薯, 但唔知點解夢見佢...

FINALLY... 可以收爐啦! (我估)

漫長既苦日子終於告一段落... 可以休息一下啦!
今年收爐既時間遲左好多, 瘋狂既苦日子(工作)亦俾住年多好多... 簡直係"厄爾尼諾"性工作後群之做死人!

不過, 一切都係時候停一停喇... 我要休息一下, 充下電.

十二月一向對於我黎講都唔係busy既月份, 最多都只係同家人食下冬至飯, 聖誕節就同老公陪佢老佛爺...

不過今年好唔同, 有d 特別! 好busy! 事關要去台灣出席阿妙既婚禮, 之後christmas eve 又要飲佢係hk 擺個餐... 但最開心既係, 25號會同老公去旅行... 登登登登, 我地去沖繩! 雖然唔係特別嚮往去咦個地方, 而且只得3日, 但可以係聖誕節去旅行, 都係第一次, 好開心... 仲會係自駕遊... 哈哈哈...

fingers crossed

再次倒米, 希望倒米成功!!
唔好priced, 唔該!

好難先捱過咦d苦日子, 放過我啦...

to raise awareness of work-life balance?

公司intranet post 左d 咁野! 哈!
想做死d 女同事...

可以容忍既限度已經去到極點

實在頂你唔順... 我唔能夠再"假"住面口對住你, 因為你太黑人憎, 太無賴. 我唔想同你做野啦. 衰人.

另外, 老公同99終於都開口啦, 佢地覺得我份工ot情況太過份, 想我揾過另一份工.

是日報告完畢, 星期五理應早d放工,relax 下開心下架嘛, Right?
HAVE A GOOD WEEKEND :)

溫馨+應該要偷懶既DECEMBER到啦!

十二月不是生產月... 大家應該盡情偷懶!!!
玩得開心D呀! 我會去沖繩過聖誕, 第一次係聖誕節去旅行, 都係個句, 未出發, 先興奮

MERRY CHRISTMAS!

唔好高估自己... 點都要守規則

條路係公家既, 唔理你技術有幾辣幾勁, 駕駛態度一定要正確、認真同埋守規矩!
生命尤關, 自己唔珍惜生命, 都唔好攪到其他人.
俾你cut 到人線, 扒到人頭, 最多咪行快左個一兩秒鐘, 又有咩謂呢?

C. O. D. Black Ops O.o

released 左啦...
佢又會日日打架啦
妖

情侶鍾意既野, 我地等到變左夫妻先做... 哈哈哈

唔好誤會, 唔好諗衰野.
我想講既係我地終於買情侶裝: 波鞋 :)
好開心, 難得係佢提議既...
星期六, 陪佢去買波鞋, 佢揀到之後見同款原來有女裝, 就問我要唔要.
我一向對波鞋其實冇咩興趣, 反而鍾意converse. 不過見佢唔介意同我著埋一樣款, 哈, 又唔駛我俾錢, 買呀!

姣dun dun 得佢仲學人買紫色皮褸, 頂佢唔順 O.o

獅子山下...

人生... 中有歡喜
難免... 亦常有淚

工作堆積如山, 公司張檯有好幾座"獅子山"呀, 陰公...

Monthly Special - A Moment to Remember

PLEASE FORGET ME

song of today ~ 久唔久聽下, 總覺得歷久常新

"後來"... 久唔久聽下, 總覺得歷久常新.
阿作詞人"施人誠"的鬼斧神工!!!

...
那個永恆的夜晚    十七歲仲夏    你吻我的那個夜晚
讓我往後的時光    每當有感嘆    總想起當天的星光
...
在這相似的深夜裡   你是否一樣   也在靜靜追悔感傷
如果當時我們能    不那麼倔強   現在也不那麼遺憾
....

又黎... 幾時先完結?

久唔久總會發d無謂夢, 令人又諗起d無謂野... 唉, 放過我啦

偷插一刀, 世界難撈...

無論大與細, 都係冇大冇細... d 新人真係... 咩人都要防一防

自己出車

點可以唔記錄呢!
成功

感動流涕

準備收工!!!

發左個惡夢

個夢話我老公對我... 不忠!!

是日通勝之...

大家唔好撩我! 係咁!

好似唔覺有問題咁

明明就係一個問題, 大家卻逃避唔想討論.
我唔講出口, 因為個問題你應該知, 你唔好迫我妥協, 我做唔到, 無論我點努力, 我都會做唔到... sorry

30 mins only, 我投降啦

著對高"爭"鞋去lunch, 只係行左30分鐘左右, 痛不欲生呀大佬.
我投降, 掙返office, 即刻換番對birkenstock... 舒服哂

一大輪企圖思想改造...

其實你都唔好逼我啦, 係咁俾壓力我... 唉!

今日公司個新囡囡話我著得好得意, 都只不過係恤衫西褲啫, 有幾得意呀? 其實你係想話著得肉酸咋? 車...

Happy Birthday to you

Wishing you always have good health and feel happy.

chi sin ga...

邊有人相似得咁交關架?? 好驚...

September!

This is the time for school!
Missing those old days, old uniforms, old places and old friends...
How are you?

Come back again!

點可以冇左8月份既post 架!!???
多謝公司又開番個access right right, 等我可以再開post.

2010年8月份, 真係一個唔多好既月份. 希望唔好既事發生左就過去啦...
大家唔好停留係過去傷感既回憶...

祝福各位相識/唔相識既你, 一路好生活, 一路平安.

爽爆 :)

又剪到好短呀! 勁爽.
學阿師傅話齋, 塊面都仲夠瘦, support 到個髮型既... 不過個身就一定唔可以肥囉...

都係咁上下啦...

一個月多少少, 又要去剪頭毛啦!
諗唔到剪咩好, 想有大變化, 不過又怕會好肉酸... 我驚會接受唔到囉 @_@

"甲乙丙" 應該係時候完啦. 好開心, 又可以"SNAKE KING"... 炎炎夏日, 最好不過既就梗係"蛇王" 啦! D 阿大又最鍾意放暑假喎! 諗起都開心, 哈哈哈!

好日唔著裙, 點知...

開開心心食早餐之際, 一個唔小心, 倒到一裙都係鴛鴦... 哈哈, 一撻撻, 好似賴尿咁 :P

大熱... 像赤道重疊

好熱呀! 不過office 又好凍. 地球, 你真係病得好嚴重囉 +_+

另外, 都冇咩心機睇world cup, 因為d 心儀既teams 全部out 哂. 阿00姐話, 今年唔利"水", d 藍色綠色波衫team 會冇咁好, 反而d 米白黑橙紅會好好多...
唔怪得阿言承旭個team 著orange elephant 會嬴, 反而著綠色神偷會輸啦...
迷信怪 :)

second 7th years

lots of quarrels, distrusts, depression... how to deal with these? please help and advise.

唔好食

煮野食既時候, 原來心情好與壞都會影響食品既質素...
尋晚心情唔好, 即使d材料幾咁新鮮都好, 煮完出黎都係好難食...
冇一樣野係及格! shit

4A

4A近排超忙, 因為要prepare 佢個wedding.
佢同佢mami 今日開開心心試婚紗, 雖然佢兩個d taste 唔同, 但見到佢地兩母女開開心心溫溫馨馨, 我都好感動.
其中一幕, 我地過緊馬路既時候, 佢mami 好溫柔咁叮囑4A, 過馬路唔好諗咁多野, 因為知佢咦排會成日掛住諗D結婚野, 怕佢會分心, 叫佢要小心睇車. 雖然係一件小事, 但我覺得好甜好溫馨.
原來, 開心可以就係咁簡單.

唔識處理呀...

點傾都好似冇用, 一個向左走, 一個向右走...
大家諗既方向完全唔同... 又點會有共識呢? 好無奈!

對住一個過於理智既人, 我真係冇哂辦法...
要講既都講哂... 到底係我自私呀, 定係佢自私呢?

唉...

get+to+get+her again

阿公小登科, 又係一眾"鄧"校老朋友相聚既日子.
好掛住大家 :P
雖然各有各忙, 不過都好珍惜相聚既時間.

你好嗎?

準備?

有位親友近年不段受癌魔煎熬, 最近病情更急轉向下, 醫生指, 好可能天父快要帶佢走啦...

佢係一個普通人, 談不上有熱血或轟烈既往事, 但總係一生勞勞碌碌, 為兒女奔命.
辛苦一生, 怎料當兒女們剛出身不久, 佢就得到重病. 旁人看來, 佢好像還未有享過什麼福, 還未有看見兒女們成家立室, 還未有弄兒孫之樂...

社會上, 這類故事雖然比比皆是... 但當事情於身邊發生的時候, 所得到的感覺卻又好震撼...

雖說針唔拮到肉就唔知痛, 但其實看見佢咁辛苦, 大家又點會唔難過呢...

原來真架, 見佢咁辛苦, 連講野都真係氣弱柔絲, 真係會諗不如唔好用藥, 希望佢可以舒服d...

活在當下, 可以同家人一起, 的確幸福...

唔想再追深宵經典重播劇啦...

再係咁, 我有排都唔可以起到身返工喇...

最新update, tbb 會播 "其實我明白你暗示..." 個套劇... omg!

「穿起了你送的襯衣, 聽著你再講故事
誰人又與誰人都告終了, 世事多麼難料... 」

好自責...

除非要住醫院, 如果唔係, 我決定以後無論點病都好, 點都唔請sick leave!
唔想再俾人入到位... 好自責!
最多我帶口罩架啫!

"新"人勿近!!!

Leave me alone please ~ Orz

Last day of April...

四月, 另一個令我期待既月份...
去旅行, 睇櫻花, 紀念日, 仲有... ... ...
時間過得好快, 四月要過去喇, 聽日就會係 - First of May

when I was still, and Christmas trees were tall
we used to love while others used to play
don't ask me why, but time has passed us by
someone else moved in from far away

now we are tall, and Christmas trees are small
and you don't ask the time of day
but you and I, our love will never die
but guess who'll cry come first of May

the apple tree that gree for you and me
i watched the apples falling one by one
and as ai recall the moment of them all
the day I kissed your cheek and you were gone
....

TOMORROW is FIRST OF MAY :)

歐豬四國 - 大佬"希臘"

唔知幾時至有機會去呢? 如果佢真係要破產的話, 唔知可唔可以平d玩番轉?

一路以來都好想去希臘旅行. 好多女人都話想去咦個地方, 貪佢夠浪漫, 又藍天又白雲, 又咩又咩... 等等.

我好想去既原因却同咦d野完全冇關係! 但講出黎實俾人笑 :P

細個果陣, 好鍾意趁阿媽瞓著左, 半夜三更偷偷地同細佬一齊睇 "聖鬪士星矢". 心裡面一路都有個疑問, 除左巴特隆神殿之外, 到底希臘有冇十二宮架呢? 希望長大之後可以去打下十二宮... xvgj#%^$&fvhrxc%$&*...

當然, 大個左之後發現原來希臘係冇十二宮架 =_=
如果真係有十二宮就好啦... 雖然係咁, 我仍然好希望去希臘感受一下聖域! 可惜, 冇人肯陪我癲!

Erchtheion

Temple of Athena Nike

When I was small... 九龍灣安置區二村

I have lived in this area for around 2 to 3 years when I was young and less than 5 yrs old. All pictures were almost blurred for me.

It must be one of the most tough time for my parents... 5 persons including 3 "little monsters" were living in a room about 100 fts. Life was tough, but simple. Missing the time when our family was still "completed".

The next stage after that is "Lok Wah Estate". To be shared in upcoming posts...

紙婚 - "爸爸膏"

紙婚紀念, 想買d有用既野...
考慮左好耐, searching / forum-ing 好耐, 試左demo 幾次...
終於, 今日, lunch, 去左 "8 佬會" 買左隻 "爸爸膏" 汽車豬標S 導航.
希望大人鍾意, 同埋少D藉口, 肯多D同我咦度去果度去啦.

Quarrel

and ... just normal...

Today while the blossoms...

Today while the blossoms still cling to to the vine
I'll taste your strawberries I'll drink your sweet wine
A million tommorrows shall all pass away
Ere I forget all the joy that is mine, today...

Kind of initiative / driving force to my job!

Don't know why, but energy comes back to me again for work.
I will make an extra effort on my job!

Tokyo trip 2010 - summary

Friday April 2

- 10:35 am 出發

- the road next to our hotel in Roponggi

Saturday April 3
- 1st meal of the day. Lunch or tea? Can't comment at all, what I can say is we always late.

- Sakura time, 新宿御苑





The park is closed at 4:30 pm normally

國立競技場 is just nearby. And there was a sport day event on that.

- View from our room

- dinner out near Tokyo station

- have a walk after dinner

Sunday April 4 - The Children Day?
- Wedding chapel open day at our hotel

- Try again?

- my favour small flower - DAISY, i meet her everytime when I was in Japan.

- The street with Sakura next to our hotel. The day time.

- The event of the day - Sea Paradise @ Yokohama. I want to go because of the Japanese Drama - 海猿.


Dating?

We missed it!

Monday April 5

- early lunch, yes, at least early for us. We made it at around 1:30pm. A resturant in Ginza recommended by 蔡lan

- nite Sakura time @ 千鳥/淵...maybe we come too late, it was over.


- Hachiko @ Shibuya station, 八公!

Tuesday April 6 - The last day, time to leave
- Time to go, let's have some wine before departure.

- Have you seen the Mountain Fuji in this way? Amazing!

Japan, see you again in the near future! Bye

耳仔痛

隱隱痛既... 唔舒服.
唔知點解會咁呢?!

blogging is prohibited in the office! shit!

No facebook, no blogger, no yahoo blog and even no forum in the office.
That's the reason why I haven't updated my blogger for nearly a month.

These few days really suck!

I feel a little bit regretful somehow.

好似打風咁

好大風呀, 成晚嘈到瞓唔到, TKO 好似打八號風球咁樣.
由於好凍關係, 是日衣飾為: 2 條長褲 + 冷衫 + 大褸 + 頸巾.

發現

其實一路都唔sync... 無奈

大個女啦

阿心大個女啦

一路以來總覺得佢係細路女, 大唔透, 雖然我唔係佢阿媽, 但身為家姐, 都有 "養兒一百歲, 長憂九十九" 既感覺. 就算佢大肚, 都擔心佢咦樣唔掂, 個樣"luck" 漏...

尋晚去探佢同bb, 雖然只係做左媽咪兩個星期鬆d, 但佢的確成熟左好多, 喂奶, 掃風, 換片, 沖涼, 換衫..., 頭頭是道.

好安慰 :)

仲記得佢細個仲係bb 個陣我成日抱住佢, 幫手湊佢既片段... 當尋晚第一次抱起佢生既bb女, 真係有一種講不出聲, 難以形容既感覺

今日焦點: 世事變幻無常...

http://hk.news.yahoo.com/article/100301/8/gsbi.html

冇左啦, 唔知駛唔駛執包服呢? 冇野做的話就會變成冗員

又打輸左...

本來好地地, 一開工就被人傳染. 占寒占凍, 頭重重, 最難頂係鼻塞 + 咳 + 喉嚨痛... 好辛苦呀.
d 菌好毒呀 !(*&^%#!>*<+_=- €

新手果然係論論盡盡 :p

撈亂左d 利是 =_=
派錯左, 將d大封既俾左普通朋友, 肉都赤埋
好鬼論盡

年初九 - Back to Work

開工大吉, 虎虎生威.
今日著左件檸檬黃既衫, 黃gum gum, 好醒神 :)

各位水瓶座

wishingyouahappybirthday!

happybirthday2u
happybirthday2u
happybirthday2所有水瓶座
happybirthdaytoyou

THANK YOU!

holiday 唔一定係 holiday

清潔女工 字

瀰天大罪!!!

今日餐旦丁作早餐... 哈哈哈

生日月份

人大左, 好多野都想低調d, 簡單d. 踏入生日月份, 又係農曆新年, 冇乜特別禮物想要, 亦唔駛大事慶祝, 只係想簡簡單單食餐便飯, 好peaceful 咁渡過. 平凡是福.
"平安 + 快樂 + 健康"

嘥錢...

我好俾心機補左8堂鐘, 但係上堂同實踐根本係兩回事, 繼續係咁補落去冇乜意思... 我覺得好嘥錢 =_=
我想放棄

在心中就得??!!

今朝一早去補鐘, 當然有俾心機, 好留心上堂. 不過練習既野來來去去都係差唔多, 唔想再係咁...

之後就自己一個去靈灰閣拜老爺. 大人一直都用各種藉口, 唔肯去, 成日都話在心中就得. 各有各既觀點, 好難comment. 不過, 我既角色點都要去拜祭老爺, 而且又唔係好遠, 佢一次推一次, 身為太太, 我好應該做埋佢個份, 最後我就自己一個人上去喇. 個度既環境都好休靜, 而且只要唔係d清明重陽既日子上去, 都可以搭的士直到門口, 唔駛行條千幾米斜路.

空歡喜一場... 哈哈哈

一向每日都會各早晚磅重, check 下自己有冇重到. 大人都會咁做, 不過佢既目的同我o岩o岩相反, 佢要check 下自己有冇輕到, 因為佢食極都唔肥, 唔夠重...

咦兩日發現自己輕左2磅幾, 雖然有d半信半疑, 因為照極塊鏡都唔多覺瘦左, 不過都幾happy...
點知尋晚, 大人問我覺唔覺個鎊好似唔係咁準, 我答佢話電子鎊黎架喎, 又o岩o岩換過哂d 電芯冇幾耐... 佢就話佢尋日明明比平時食多左好多野, 但瞓覺前磅一磅, 竟然比平日輕左好多, 得番128磅, 足足輕左差唔多3, 4磅...

晴天pig pig 囉, 等我仲以為自己無啦啦輕左咁筍添... 乜原來電子鎊都會唔準架? 激死!!

剪好頭髮啦

時至今日, 我估都冇話過年前剪頭髮要收 "雙計" 啦掛. 不過我好怕多人, 攪到要等好耐先輪到自己剪, 所以早少少, 尋日就趁放工去 "飛短留長" , 準備過新年喇.

到底幾時我先可以留得到長頭髮呢?

哈哈, 今日畀阿妙狠狠咁KO左 ：「你話留長頭髮... 留左幾年都未到下巴」
毫無反駁能力#.#

多左0.5cm

雖然都係唔好, 不過都未至於貼地. 因為比貼地多左0.5cm... 哈哈!
同自己最差既估計相比, 都有丁點交代.
多謝照顧, 寄望下年, 努力努力!

望穿秋水啦...

係咪聽日會知架? 好心急, 好擔心....

危險駕駛 - updated: 這個司機不是本人!!!!!!!!!!!!!!!!!!!!!!!!!!

"讓路" 口忘記停車... 隧道管內差d失控... 好驚... 好似差d就死咁
點算好?

updated :  這個司機不是本人!!!!!!!!!!!!!!!!!!!!!!!!!!

GREEN MONSTER

The wicked green monster hits me strongly today... shit!
Another hit will be coming a couple months later... Shit Shit Shit...

我明, 我明呀...

梗係尋日lunch 個陣俾隔離個人傳染左d病菌俾自己, 尋晚已經唔妥...
係咁流鼻水同打噴嚏, 好辛苦呀... 拍左兩粒 "bit脷凍", 都唔得既...

山長水遠之: "淋瘋" concert

都老餅啦, 仲點會好似d妹妹仔咁係新一代偶像派"淋瘋" 既 "蕃薯"呀... 又唔識佢d 歌仔.

不過阿大姑奶最近唔知係邊處拎到d 聲稱係$600 最貴既 "淋瘋" macau 演唱會飛 + "肆貴"酒店一晚住宿, 問我同大人去唔去玩下. 大人見冇咩世藝, 就決定去馬交行一轉啦. 況且我都想買花生糖同埋紫菜鳳凰卷食... :p

看後感 : 好悶... 唔o岩老人家睇, 而且600蚊既飛竟然係山腰位... 加10幾行之後就係山頂, 好在唔駛錢...

山長水遠, 長途跋涉, 好攰

對我好好架... 原來對個個都咁好架.. 哈哈

去開個間茶餐廳d伙計對我地好好架, 記得我地通常要常餐+ 奄列+凍奶茶, 仲會私人醒碗老火湯我地添...
一向以為係vip... 點知今日發現, 原來佢地差唔多對個個客都咁好架... 哈哈...
令我即刻諗起 "慢零" 個廣告

做"占"

finally... I went to "占" during lunch time today.
To keep fit, guess work out is the one of the most efficient ways rather than on a diet.

Though it was only last for 30 mins, better than nothing :P
Hope I can keep doing it. At least once a week ar... see I am sooooo lazy.

生積?

成日都好易肚餓... 唉, 唔通生積? 肥左好多啦, 食量同大人有過之而無不及...
重反好多添喇 >.<"

蛇完收手

boss is coming back from her holiday today...
@_@ Happy New Year, Boss!

Today is the first working day / trading day for 2010.
Kind of a custom for Chinese, I have given Sai-B a couple of Red-packages. He is superstitious on that, especially for his business.

月亮說

凝望你背影 傷感沾濕眼睛

明月夜再清 可惜心水更清
沒有半點雲彩 遮掩遍地的愛
伸手會拾到往日的歡笑聲

情話是美景 一心醉便忘形
紅岸是背景 輕舟點催尾聲
剩我一人跳 上跳往幸福處
星星怪夜空卻沒氣力撐到那麼遠

人情在 花不開 春天過後要等待
情人在 心不再 哪有動情是意外
驀然忘了當初怎決定相愛 相愛的心終於都變做感慨

為何遇上最愛偏要避開 孤舟哪處靠岸不會被掩蓋
在緣份的天空可會預測愛 這世間有幾多情侶可一世相愛

凝望你背影 傷感沾濕眼睛
明月夜冷清 只因心水已清