怪

突然間有d怪既感覺.

日子就怏到, 雖然係簡單既形式, 但或多或少都會有好多野要準備.
一向以為唔多熱情既阿細會冇咩反應, 因為佢係d "冷靜與熱情之間" 個類人, 估唔到原來佢好興奮同開心.

可惜, "女人" 始終係奇怪既動物, 麻鬼煩...
點解咁講? 因為唔知點解我突然間有d怪既感覺... 明明一直期待既件事來臨 :p, 當真係輪到自己既時候, 竟然有d "怕"同 "擔心". 憂慮將來既生活, 怕自己做唔好自己既角色, 唔知點同人相處 ...

我都估唔到自己會咁樣... 好情緒化.

火星猛烈地跟地球相撞

專家 "fongfongchung sir" 專業預測: 唔方會有轉彎既餘地...

又行左一大步

情人節, 我地食池記 + MacDonald
不過好開心, 因為我地又行左一大步... 買了一對簡單既結婚介子.
唔知點解, 阿細越來越似白鴻, 對介子其實唔係d 名牌貴野, 唔知係咪怕我唔鍾意, 佢係咁搬佢d理論出黎話:
『介子咦d野, 係冇價值既金屬, 唔駛買咁貴, 最緊要既係咩呀? 係個意義. 你要知道, 唔好成日用所謂"價值" 去衡量, 係要用 "意義"... okay?』

佢同白鴻應該好friend 好o岩key.

一個"十二年"

我同阿細係十二年前既2月15日一齊, 剛剛過了一個完整的十二生肖.
我地既慶祝方式都幾特別, 走左去KCP 唱karaoke. 當然, 兩位老人家只識唱舊歌仔啦, 就係因為怕俾d後生笑我地老土, 所以唔敢去d 旺區, 九龍城應該冇咁多細路掛. 唱下唱下唱到成十二點幾, 冇野食tim... 唯有又打24小時營業既MacDonald 主意啦.

多謝雙方面既努力同建立, 令咦份感情健康成長.

大家要繼續努力, 過更多更多既十二年.

2月11日係日本建國紀念日

亦都係我既生日.
為避免返工要OT, 請左2日假唔返工.

簡簡單單, 最是不簡單, 阿細帶左我去西貢食海鮮. 其實我地平時好少食海鮮, 因為佢好麻煩, 成日話怕肚痛, 唉, 佢真係妹仔肚, 有好野都唔識食. 而且, 2 個人好難食得多野. 以為閒日應該冇咩人去西貢啦, 原來都唔係喎, 不過大多數係國內人囉.

唔駛禮物(其實係冇買啫), 唔駛candle night (其實未試過), 簡簡單單就已經好開心.

過左一個好難忘既農曆生日...

過大海喲!!!
難忘既事包括 "輸"左500蚊俾MGM, 同埋睇人放煙花 :)