同部電腦 OR X-BOX 360 六神合體

係d forum 到無意中見到d太太們有以下經驗:

/*************************************************/
『
Subject: C6放工返黎,成日掛住打機唔理我 (我估c6 係指 "死佬")
　C6佢日日放工番黎就同部電腦六神合體。(六神合體... 形容得好貼切 6.6)
　　有時你同佢講嘢，佢好似聽唔到咁，當你發脾四再重覆時，佢就反應遲緩咁問你：「吓！你講咩話！」但果刻佢無拎個頭過黎，對眼仲係望住個mon。　　年多前，我都好down，覺得佢同我無溝通，零交流，最利害我地試過幾日講嘢唔超五句。　　但日子慢慢咁過，... 就習慣咗......　　其實都好無奈，因為c6佢唔出去四圍玩，乖乖咁留係屋企打機，唔同ｄ豬朋狗友風花雪月，我應該覺得安慰的，起碼佢個人同個心都係屋企。　　然而呢種安逸感覺又要付出代價，就係佢繼續同部電腦六神合體。　　唉！都係算吧！佢都有改，放假都會陪下我睇碟睇電視同埋出街食飯，有時候又陪我玩，亦會同我吹下水咁，基本嘢佢做足，我都懶得理佢，反正我都習慣咗，有時候亦落得清靜。　　兩個人相處唔係你遷就我就係我遷就你，佢唯一娛樂就係打機，就俾佢打飽佢吧！人總需要娛樂和空間。
』
/*************************************************/

我個大人咪又係一樣, 佢一係同d電腦合體呢, 一係就移玉步去打xbox 360... 好笑既係, 佢仲好鍾意x-box online 同d friends 打left4dead (喪屍game), 佢帶住個headphone speaker (有個頭"cool" 個種, 佢d 頭髮又亂, 成個c9咁), 一路打一路同d戰友傾計 : 『 嘩... 快d幫手 ... 個度有隻(喪屍)小心... 有boomer... 有冇葯包... 』
打到三更半夜都唔肯去瞓... 所以, 佢最唔開心既係時候多數係 ==> netvigator 斷線!!! haha