咁浪漫?

星期四放工之後,趕著同阿細去金鐘final fitting 佢套suits. 佢套野都幾好睇, 係阿師傅仔整得佢條褲短過頭, 吊哂腳, 唯有聽日再黎拎啦.跟住去左尖東食OUTBACK,每次我地多數會叫cup size 既 clam chowder,飲完都有好滿足既感覺. 由tst 返屋企, 我地通常會係新世界門口搭98d返tko, 今晚都一樣, 由尖東經海旁行返去新世界, 但特別既係今晚不時落雨, 記憶中我地好少落雨出街,更加唔會落雨出尖咀 (因為阿細好理性, 唔鍾意落雨絲濕出街, 因為好麻煩), 今晚係第一次,哈哈! 仲要係落緊雨個陣行尖東海旁,忍唔住同阿細講 : 「我地從來都未試過咁浪漫, 大佬, 第一次雨中漫步尖東海旁...不過你可唔可以揸好d把遮呢? 我半邊身濕哂啦 !!!」